Stjörnum prýddar barnabækur

  • Höfundur: Ritstjórn Forlagsins

Fjallað er um fjölmargar barnabækur Forlagsins í Fréttatímanum í morgun og augljóst að gagnrýnandinn hefur skemmt sér við lestur þeirra. Um fimm stjörnu bókina Dagbók Ólafíu Arndísar eftir Kristjönu Friðbjörnsdóttur segir Páll Baldvin Baldvinsson: „Þetta er skemmtilestur, sögukonan er dekruð og djörf, feimin og frek … Fínt lesefni fyrir stráka og stelpur frá 7 til 12.“

Flugan sem stöðvaði stríðið fær 4 stjörnur og umsögnina: „Skemmtileg og hugmyndarík saga með óvenjulegu sjónarhorni …“

Náttúrugripasafn Sigrúnar Eldjárn kallar Páll „skemmtisögu fyrir krakka“ með vel undirbyggðri spennu, sem hún sannarlega er, og prýðir hana svo þremur stjörnum.

Um Ríólítreglu Kristínar Helgu Gunnarsdóttur segir Páll Baldvin: „Ríólít-reglan er spennandi og fjörleg saga … Hér er unnið með álfaminnið á snjallan hátt … Samtöl lipur, persónur skýrar og allt leiðir í æsispenning.“ Fjórar stjörnur fær þessi bók og sömuleiðis sú næsta: Upp á líf og dauða eftir Jónínu Leósdóttur. Um hana segir: „Sagan er skemmtileg, keyrð áfram af samtölum sem draga fram ólíka persónuleika í hópnum, ólíkar skoðanir … Sagan er prýðilega hugsuð og vel sett saman, verður hvergi klisjukennd.“

Það er því ljóst að börnum og unglingum – og fjölskyldunni allri – býðst nóg af skemmtilegu lesefni fyrir jólin og til framtíðar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd