Stefnumót við Vigdísi Grímsdóttur

  • Höfundur: Ritstjórn Forlagsins
Vigdis Grimsdottir

Næstkomandi laugardag, 5. nóvember, gengst Gerðuberg fyrir ritþingi um Vigdísi Grímsdóttur og verk hennar og hefst það kl. 13.30. Jórunn Sigurðardóttir mun leiða þingið en spyrlar verða Hrafn Jökulsson og Þóra Sigríður Ingólfsdóttir. Aðgangur er ókeypis og öllum heimill.

Á ritþingum, sem haldin hafa verið reglulega í Gerðubergi frá árinu 1999, er leitast við að veita persónulega innsýn í líf og feril íslenskra rithöfunda. Eru allir aðdáendur Vigdísar því hvattir til að mæta og raunar allir þeir sem vilja kynnast verkum hennar betur og komast nær höfundinum á bak við þau.

Vigdís Grímsdóttir kvaddi sér hljóðs fyrir hartnær þremur áratugum með smásagnasafninu Tíu myndir úr lífi þínu og hún sló rækilega í gegn þegar fyrsta skáldsaga hennar, Kaldaljós, kom út árið 1987. Síðan hefur hún verið meðal okkar allra fremstu höfunda og sent frá sér skáldsögur, ljóð, barnabækur og æviminningar. Nýjasta bók Vigdísar, Trúir þú á töfra, er nýlega komin út og hefur hlotið glimrandi viðtökur.

Nánar má lesa um ritþingið á vef Gerðubergs.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd