Stappfullt í Norræna húsinu

  • Höfundur: Ritstjórn Forlagsins
Sofi Oksanen áritar í Norræna húsinu

Færri komust að en vildu á höfundakvöldi í Norræna húsinu í gærkvöldi þar sem finnsk-eistneska skáldkonan Sofi Oksanen sat fyrir svörum. Setið var upp um alla veggi og var það mál manna að annar eins fjöldi hefði vart sést í húsinu frá því David Attenborough stappfyllti það um árið. Gerður var góður rómur að dagskrá kvöldsins sem Oksanen hóf með því að lesa úr frumtexta bókar sinnar Hreinsun. Að því loknu leiklásu leikarar frá Þjóðleikhúsinu stuttan kafla úr bókinni. Silja Aðalsteinsdóttir, útgáfustjóri Máls og menningar, ræddi síðan við höfundinn og spurði vítt og breitt um tilurð sögunnar og framtíðarplön þessa forvitnilega höfundar. Dagskránni lauk síðan með upplestri Sigurðar Karlssonar þýðanda bókarinnar.

Við minnum á að Sofi mun árita bækur sínar og spjalla við lesendur í bókaverslun Eymundsson við Skólavörðustíg kl. 17 í dag.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd