Spjallað á sunnudegi

  • Höfundur: Ritstjórn Forlagsins
Kristof Magnusson

Við vekjum athygli á höfundaspjalli í Norræna húsinu á sunnudaginn. Þar ræðir Ólafur Guðsteinn Kristjánsson við rithöfundinn og þýðandann Kristof Magnusson sem er gestur Bókmenntahátíðar í Reykjavík um þessar mundir.

Kristof er fjölhæfur maður mjög, hann er af íslenskum ættum og hefur meðal annars þýtt Grettissögu, Storm eftir Einar Kárason og bók Hallgríms Helgasonar 10 ráð … yfir á þýsku. Næsta haust mun Mál og menning gefa út skáldsögu hans Das war ich nicht en hún er að sögn alveg dillandi skemmtileg ástar- og gamansaga.

Ólafur Guðsteinn mun ræða við Kristof um sýn hans á Ísland og það sem íslenskt er, hvernig hann sér hluti sem við heimamenn komum ekki auga á og um þýðingastarf hans og hvernig þau hafa áhrif á hans eigin skrif.

Höfundaspjallið fer fram í Norræna húsinu á sunnudaginn og hefst kl. 13. Verið velkomin!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd