Spennandi gestir á Bókmenntahátíð í Reykjavík

  • Höfundur: Ritstjórn Forlagsins
Höfundar á Bókmenntahátíð í Reykjavík 2011

Við hvetjum alla bókaunnendur til þess að kynna sér dagskrá Bókmenntahátíðar í Reykjavík sem hefst nk. miðvikudag. Dagskráin í ár er afar vegleg og fjöldi heiðurshöfunda, bæði íslenskra og erlendra, mun kynna verk sín fyrir fróðleiksfúsum gestum.

Við tökum okkur það bessaleyfi að tæpa á því helsta á upplestrarsviðinu! Forvitnum lesendum gefst kærkomið tækifæri á bókmenntahátíð til að kynna sér það sem er efst á baugi eða rétt handan við hornið á bókasviðinu.

Á fyrsta upplestrarkvöldinu í Iðnó, miðvikudaginn 7. sept., lesa rithöfundarnir Ragna Sigurðardóttir og Hallgrímur Helgason úr væntanlegum skáldverkum sínum. Þýski metsöluhöfundurinn Ingo Schulze les úr bók sinni Adam & Evelyn sem er nýkomin út á íslensku og landi hans Kristof Magnusson, sem er bæði virtur þýðandi og höfundur, segir frá sínu starfi. Von er á íslenskri þýðingu á bók Kristofs, Das war ich nicht, næsta haust.

Á fimmtudagskvöldið geta gestir í Iðnó meðal annars heyrt í Pétri Gunnarssyni, sem máski mun segja frá væntanlegri þýðingu sinni á stórvirki Claude Lévi-Strauss um Regnskógabeltið raunamædda, og heimshornaflakkarann fræga Vikas Swarup sem stimplaði sig svo rækilega inn í vitund lesenda með metsölubókunum Viltu vinna milljarð? og Sex grunaðir.

Föstudagskvöldið 9. september kemur Denise Epstein, dóttir hinnar virtu Iréne Némirovsky fram á upplestrarkvöldi í Iðnó ásamt fleiri góðum gestum.

Kristín Marja Baldursdóttir tekur þátt í upplestrardagskrá sem haldin verður í Norræna húsinu kl. 15.30 á laugardaginn og Eiríkur Örn Norðdahl er síðan meðal höfunda á síðasta upplestrarkvöldinu í Iðnó á sunnudagskvöldið.

Nánari upplýsingar um dagskrá hátíðarinnar er að finna hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd