Skuggasund hrífur

  • Höfundur: Ritstjórn Forlagsins

Nýjasta bók Arnaldar Indriðasonar, Skuggasund,  stimplar sig rækilega inn hjá lesendum. Hún þaut beint inn á lista yfir vinsælustu bækur landins á uppsöfnuðum metsölulista Félags bókaútgefenda fyrir bækur sem komið hafa út frá ágústbyrjun – þrátt fyrir að hafa þá aðeins verið í sölu í þrjá daga þegar listinn var tekinn saman. Umsagnir og dómar um hana hafa verið mjög lofsamlegir, hún fékk til að mynda fjórar skínandi stjörnur í Fréttablaðinu í dag. Dómar um bókina í spænskum fjölmiðlum hafa líka verið hreint dúndurgóðir og sumir býsna litríkir málfarslega, þannig segir rýnirinn Marka Nelken í El Mundo að höfundurinn sé „eigandi fokking bókmenntasenunnar“ og heldur áfram:

„RBA hefur kynnt fyrir okkur bestu norrænu rithöfunda nútímans semvið kunnum þeim þakkir fyrir. Og fremstur allra er þessi Arnaldur Indriðason sem er einhverskonar kokteill af Dennis Lehane, með slatta af Elmore Leonard og nokkrum dropum af Michael Conelly, í boði sjálfs Capitán Pescanova . ‘On the rocks’, eins og allt sem kemur frá Reykjavík, en með þessari hlýju sem einkennir gamla vini.“



Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd