Skrímsli í Rússlandi

  • Höfundur: Ritstjórn Forlagsins
skrímsli

Rússneska forlagið Meshcheryakov Publishing House, sem á dögunum skrifuðu undir samning við barnabókahöfundinn Ævar Þór Benediktsson, hefur nú tryggt sér réttinn á þremur bókum um litla skrímslið og stóra skrímslið, bækurnar Nei! sagði litla skrímslið, Stór skrímsli gráta ekki og  Skrímsli í myrkrinu munu því brátt líta dagsins ljós á rússnesku.

Skrímslabækurnar eftir Áslaugu Jónsdóttur, Kalle Güettler og Rakel Helmsdal hafa glatt börn um allan heim á undanförnum árum og hlotið ótal verðlaun og viðurkenningar, meðal annars tilnefningu til Barnabókaverðlauna Norðurlandaráðs, útnefningu á heiðurslista Ibby fyrir myndlýsingar, tilnefningu til Le prix des Incorruptibles 2012 – Bókaverðlaun barna og unglinga í Frakklandi, Bókaverðlaun bóksala fyrir bestu barnabókina, Dimmalimm – íslensku myndskreytiverðlaunin og svo mætti lengi telja. Bækurnar hafa komið út víða um heim, meðal annars í Danmörku, Noregi, Finnlandi, Svíþjóð, Litháen, Kína, og á Spáni á katalónsku, basknesku og galisísku.

Íslensk börn geta heldur betur glaðst í þessari jólavertíð því splunkuný bók um uppáhalds skrímslin okkar allra er nýkomin út, Skrímsli í vanda.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd