Sköpunarkjarkur fær fljúgandi start

  • Höfundur: Ritstjórn Forlagsins
Tom Kelley

Um 800 manns mættu í Háskólabíó síðastliðinn fimmtudag til að hlýða á Tom Kelley frá IDEO fjalla um Sköpunarkjark.

Tom og bróðir hans David eru höfundar nýútkominnar bókar sem ber nafnið Sköpunarkjarkur (e. Creative Confidence) sem hefur verið þýdd á íslensku. Lesa má meira um þessa frábæru bók hér. Tom sagði fjölmargar skemmtilegar sögur sem flestar koma fyrir í bókinni. Sögurnar fjalla á einhvern hátt um einstaklinga sem fara frá því að líta alls ekki á sig sem skapandi einstakling yfir í að hafa gott traust á því ferli sem við köllum sköpun og líta á sig sem skapandi manneskju.

Góður rómur var gerður að fyrirlestrinum og að honum loknum áritaði Tom yfir 100 bækur fyrir áhugasama gesti.

Í tengslum við bókina mun Karl Guðmundsson, sem átti frumkvæðið að heimsókn Kelleys hingað til lands, fara af stað með námskeið í Endurmenntun Háskóla Íslands. Farið verður yfir hönnunarhugsun (e. design thinking) og mannvæna hönnun (human centric design) og hvernig slík aðferðafræði getur aðstoðað þig af stað í sköpunarferlinu.

Í námskeiðslýsingunni segir meðal annars:
Í starfi og persónulegu lífi þurfum við að leysa fjölbreytt verkefni. Oft hættir okkur til að hjakka í sama farinu og grípa til gömlu lausnanna. Á þessu námskeiði kynnast þátttakendur traustri aðferðafræði til að leyfa sköpunargleðinni að njóta sín og leysir úr læðingi sköpunarkraftinn sem býr innra með okkur öllum.

Öll búum við yfir sköpunarkrafti en mörg okkar töpuðum kjarkinum til að leyfa honum að blómstra á einhverjum tímapunkti. Hvernig getum við fengið aftur þennan kjark og notað sköpunarkraftinn til að finna lausnir á verkefnum og koma hugmyndum okkar í verk?

Frekari upplýsingar um námskeiðið og skráningu má finna hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd