Sigurður Pálsson í Struga

  • Höfundur: Ritstjórn Forlagsins
Sigurður Pálsson

Sigurður Pálsson var gestur ljóðlistarhátíðarinnar í Struga nýverið. Þar las hann upp við nokkur tækifæri og var auk þess  frummælandi á málþingi um ljóðlist.

Þetta er ein virtasta og elsta ljóðlistarhátíð í heimi, haldin í Struga í Makedóníu, sem er eitt fyrrverandi lýðvelda Júgóslavíu. Struga-hátíðin hefur verið haldin árlega frá 1962 og undanfarin ár hefur UNESCO stutt hátíðina dyggilega. Tæplega sextíu ljóðskáldum frá fjölmörgum löndum er boðið á hátíðina og er það nokkuð eftirsótt að fá boð þangað. Út er gefin bók með ljóðum allra skáldanna þýdd á makedónísku.

Gullni sveigurinn, verðlaun Struga-hátíðarinnar, eru einhver virtustu verðlaun sem veitt eru í ljóðlist. Listinn yfir verðlaunahafa er glæsilegur, m.a. nokkur skáld sem síðar fengu Nóbelsverðlaunin, svo sem Neruda, Montale, Brodsky og Heaney en einnig eru þarna höfundar eins og Auden, Ginsberg, Hughes, Adonis, Ritsos, Senghor, Lundkvist og þannig mætti lengi telja.

Í þetta skiptið var það búlgarska skáldið Lyubomir Levchev sem fékk verðlaunin.

Einnig eru veitt hvatningarverðlaun fyrir fyrstu ljóðabók höfundar og í ár var það eistneska ungskáldið Siim Kera sem fékk þau.

Auk veglegrar verðlaunaathafnar að viðstöddum forseta Makedóníu er Struga-hátíðin vel þekkt fyrir almennan áhuga heimamanna á ljóðlist sem birtist m.a. í frægri opnunarhátíð sem haldin er í Menningarmiðstöðinni í Struga og einnig í lokaupplestri hátíðarinnar sem fer fram á brúnni yfir ána Drin.



Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd