Siðblint ljúfmenni og auðmjúkur fantur

  • Höfundur: Ritstjórn Forlagsins

„Meistaraverk“
The Times

„Sagan er gráglettin og gamanið oft verulega kaldranalegt. Bókin er glæsilega skrifuð.“ Árni Matthíasson / Morgunblaðið

Booker-verðlaunin 2008

Balram Halwai er frumkvöðull, þjónn, hugsuður og morðingi – í senn siðblint ljúfmenni og auðmjúkur fantur. Hann brýst úr fjötrum þorpsins sem ól hann og fjölskyldunnar sem kúgaði hann til þess eins að lenda undir hælum annarra þrælahaldara í stórborginni. En Balram er frábrugðinn hundruðum milljóna undirokaðra landa sinna: hann velur sér nýtt líf, þar sem hann er sjálfur sá sem mútar, kúgar og græðir.

Hvíti Tígurinn er snilldarlega skrifuð saga um napran veruleika Indlands, saga um spillingu, örbirgð, kúgun, stéttaskiptingu og viðurstyggð sem viðgengst jafnt meðal fátækra og ríkra. Uppreisnarmaðurinn Balram játar opinskátt bresti sína og brot í háðskri frásögn sem um leið er bæði heillandi og sláandi.

Aravind Adiga hlaut hin heimsþekktu Booker-verðlaun 2008 fyrir bókina sem hefur komið út víða um heim við miklar vinsældir.

Ísak Harðarson þýddi.

„Þetta er æsileg lesning, krassandi og kaldhæðin … Söguhetjan, Balram, er kannski samviskulaus þrjótur, en það er ekki hægt að hafa annað en samúð með viðleitni hans til að brjótast út úr þessum hryllingi, úr myrkrinu í ljósið.“
Egill Helgason / eyjan.is

„Frábær frumraun … Stórkostlegur sögumaður.“
Frankfurter Allgemeine Zeitung

„Djörf, beisk, háðsk, andstyggileg og hrikalega girnileg.“
The Times of India

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd