Sex af ellefu

  • Höfundur: Ritstjórn Forlagsins
DV

DV birtir í dag lista yfir alla þá sem tilnefndir eru til Menningarverðlauna blaðsins en þau verða veitt á miðvikudaginn kemur. Það er Forlaginu mikill heiður að eiga sex af ellefu bókum sem tilnefndar eru til verðlauna í flokki fagurbókmennta og fræða. Í bókmenntaflokki eru Ósjálfrátt eftir Auði Jónsdóttur, sem hlaut Fjöruverðlaunin fyrir skemmstu, Siglingin um síkin eftir Álfrúnu Gunnlaugsdóttur, Reykjavíkurnætur eftir Arnald Indriðason og Sjóræninginn eftir Jón Gnarr. Í flokki fræða eru þeir Jón Ólafsson og Gunnar Þór Bjarnason tilnefndir, Jón fyrir Appelsínur frá Abkasíu, sem nýlega hlaut viðurkenningu Hagþenkis, og Gunnar Þór fyrir Upp með fánann.

Í bókmenntanefndinni sátu Hrafn Jökulsson formaður, Þóra Sigríður Ingólfsdóttir og Þórarinn Baldur Þórarinsson en í fræðanefndinni voru Ragnheiður Gyða Jónsdóttir, Árni Daníel Júlíusson og Þórhallur Eyþórsson.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd