„Sálfræðitryllir af bestu gerð“ fær Tindabikkjuna

  • Höfundur: Ritstjórn Forlagsins
Stefán Máni

Stefán Máni hefur hlotið Tindabikkjuna fyrir bók sína Húsið. Tindabikkjan er verðlaun Glæpafélags Vestfjarða og er veitt fyrir bestu íslensku glæpasöguna á hverju ári. Einnig hlaut Stefán Máni viðurkenningu fyrir „Mesta illmennið“ sem er Teddi í Húsinu.

Umsögn dómnefndar um Húsið:

„Húsið er snilldarlega vel skrifuð glæpasaga. Það er spennandi að fylgjast með hinum vestfirska Herði Grímssyni sem við kynntumst svo vel í Feigð, baráttu hans við volduga andstæðinga, innra sem ytra og það er undarlega auðvelt að þykja vænt um hann þó hann geti verið durtur.  Illmennið Teódór er það andstyggilegasta sem ratað hefur á blaðsíður íslenskra glæpasagna. Í hvert sinn er hann birtist á blaðsíðum bókarinnar risu hárin og má með sanni segja að Teddi hafi strokið okkur andhæris.

Húsið er sálfræðitryllir af bestu gerð og gætu einhverjir miklað fyrir sér að ráðast í 600 síðurnar sem bókin fyllir. Hún heldur alla leið og hver kafli styður við næsta í að flétta saman þessa svakalegu glæpasögu.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd