Heillandi aldarspegill

  • Höfundur: Ritstjórn Forlagsins
Saga þeirra, sagan mín

Saga þeirra, sagan mín – Katrín Stella Briem eftir Helgu Guðrúnu Johnson fær húrrandi góða dóma þessa dagana. Í Morgunblaðinu laugardaginn 15. nóvember fékk hún fjögurra stjörnu dóm hjá Guðmundi Magnússyni sagnfræðingi sem sagði bókina vera „áhrifamikla ævisögu“ og að Helga Guðrún hefði haft „góða sýn yfir söguefnið og sterk tök á frásögninni, hrasað hvergi í útúrdúrum eins og stundum vill gerast þegar höfundar hafa úr miklu efni að moða“, því sé Saga þeirra, sagan mín „afar áhugaverð bók“.

Í síðasta tölublaði Vikunnar sagði Steingerður Steinarsdóttir að Saga þeirra, saga mín væri „… bók sem enginn ætti að láta fram hjá sér fara … frábærlega skrifuð og svo spennandi að vart er hægt að láta hana frá sér. Fyrir utan að vera persónuleg saga þriggja einstaklinga er bókin frábær aldafarslýsing og segir ótrúlega margt um kjör kvenna fyrr og nú.“

Egill Helgason sagði svo í Kiljunni að þessi stóra og mikla saga væri heillandi aldarspegill og í spjallþætti Loga Bergmanns, Logi í beinni, sagði viðmælandinn Egill einnig að hann hefði hugsað sér að gefa tengdamömmu sinni hana í jólagjöf! Vonandi missti hún af þeim þætti.

Í þessari mögnuðu ævisögu Katrínar Stellu er einnig sögð saga móður hennar, Ingibjargar Stellu Briem og ömmu hennar, Katrínar Thorsteinsson. Þannig er Saga þeirra, sagan mín mikil kynslóða- og örlagasaga sem hefur vakið verðskuldaða athygli og stendur fyllilega undir þessum góðu dómum.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd