Risastór pera á risastóru tjaldi

  • Höfundur: Ritstjórn Forlagsins
Jakob Martin Strid

Saga Jakobs Martins Strid, Ótrúleg saga um risastóra peru, sló Danmerkurmet þegar hún kom samtímis út á átta tungumálum fyrir rúmu ári síðan og sigurganga hennar heldur áfram. Yfir 60.000 eintök hafa selst af bókinni sem komin er út í tólf löndum, þar með talið hér á landi, og hefur engin dönsk barnabók notið viðlíka vinsælda áratugum saman. Nýlega keypti Nordisk film kvikmyndaréttinn að bókinni og hyggst frumsýna teiknimynd eftir henni að tveimur árum liðnum.

„Okkur hafði lengi langað til að vinna með Jakob Martin Strid, sem er ótrúlega hæfileikaríkur og hefur skapað óviðjafnanlega töfraveröld. Ótrúleg saga um risastóra peru er frumleg saga sem er tilvalið að segja í kvikmynd fyrir börn og foreldra þeirra. Þar skapar Strid sinn eigin myndríka ævintýraheim, fullan af skemmtilegum smáatriðum, sem hefur náð ótrúlegum vinsældum á bók. Við hlökkum til að sjá þennan heim lifna við á stærri fleti,“ segir Thomas Heinesen hjá Nordisk film.

Jakob Martin Strid hefur sent frá sér fjölmargar vinsælar barnabækur og nýtur vinsælda um allan heim. Hann hefur þegar fengið fjölda verðlauna og viðurkenninga fyrir söguna sína um risastóru peruna og er að vonum kampakátur með nýjasta sigur hennar: „Ég hef alltaf haldið mikið upp á teiknimyndir. Ég er stoltur og glaður að risastóra peran ætli sér nú að sigla upp á hvíta tjaldið.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd