Ríkisfang: Ekkert heldur áfram að heilla lesendur

  • Höfundur: Ritstjórn Forlagsins
Ríkisfang: Ekkert - höfundur og aðalpersónur

Ríkisfang: Ekkert, bók Sigríðar Víðis Jónsdóttur, hefur verið til umræðu í fjölmiðlum undanfarið í tilefni af því að um þessar mundir eru tíu ár frá því að Bandaríkjamenn, Bretar og bandalagsþjóðir þeirra réðust inn í Írak, en þaðan komu flóttakonurnar sem Sigríður segir frá í bókinni. Ljóst er að bókin heldur áfram að heilla lesendur tæpum tveimur árum eftir útkomu sína. Herdís Sigurgrímsdóttir, fyrrum friðargæsluliði í Írak, sagði í Víðsjá á dögunum: „Það sem hefur haft einna mest áhrif á mig var að lesa bókina hennar Sigríðar Víðis Jónsdóttur þar sem hún segir sögur flóttakvenna, palestínskra að uppruna sem bjuggu í Bagdad, og fengu hæli á Íslandi, því þær sögur eru að gerast á miklu leyti á sama tíma og ég var í Bagdad.“

Þá sagði Guðfinnur Sigurvinsson, fjölmiðlamaður, í síðdegisútvarpi Rásar 2: „Ég vil eindregið mæla með (bókinni) við hlustendur. Ég las hana nýverið og hún dýpkaði ekki bara skilning minn á stríðinu í Írak heldur stríðum almennt og er virkilega holl lesning.“

Bókin hlaut sem kunnugt er fjölda verðlauna og viðurkenninga þegar hún kom út haustið 2011, meðal annars Viðurkenningu Hagþenkis og tilnefningu til bæði Fjöruverðlaunanna og Íslensku bókmenntaverðlaunanna. Í henni er að finna gríðarlegan fróðleik um aðstæðurnar í Bagdad þegar árásin hófst og  lýsingu á flótta kvennanna frá borginni sem er á köflum nánast reyfarakennd. Að auki skýrir bókin aðstæður Palestínumanna í Mið-Austurlöndum sem dvelja í fjölda landa án ríkisfangs og eru því í hörmulegum aðstæðum þegar ófriður brýst út.

Bókin naut mikilla vinsælda þegar hún kom út, jafnt meðal þeirra sem hafa mikla þekkingu á aðstæðum þessa heimshluta og hinna sem lítið hafa kynnt sér þær. Hún lifir líka góðu framhaldslífi því höfundurinn fer enn á milli ýmissa félagasamtaka til að kynna efni hennar og hún hefur bæði verið tekin fyrir í framhaldsskólum og er í dag hluti af námi í stjórnmálafræði við Háskóla Íslands.

Fleiri ummæli um Ríkisfang: Ekkert má finna á síðu bókarinnar hér á Forlagsvefnum.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd