Reykjavíkurborg verðlaunar Hafnfirðingabrandarann

  • Höfundur: Ritstjórn Forlagsins
Bryndís Björgvinsdóttir

Að venju veitti skóla- og frístundasvið Reykjavíkur barnabókaverðlaun sín á síðasta vetrardag, einni frumsaminni bók og annarri þýddri. Frumsamda bókin sem dómnefnd þótti skara fram úr af útgáfuflórunni 2014 var Hafnfirðingabrandarinn eftir Bryndísi Björgvinsdóttur. Í rökstuðningi dómnefndar var lögð áhersla á að gaman væri að lesa svona framúrskarandi vel skrifaða bók um hversdagslega hluti – hversdagsleg gleðiefni og áhyggjur venjulegra unglinga. Þakkarræða höfundar rímaði vel við þetta því hún hafði einmitt orð á því að bókin væri fyrst og fremst um það sem við veittum sjaldnast eftirtekt, lífinu eins og það væri dags daglega. Bryndís kvaðst jafnframt gleðjast yfir því að fólki fyndist svona gaman að lesa svona sögu um hversdagsleg vandamál hafnfirsks unglings en á því leikur enginn vafi því auk Barnabókaverðlauna skóla- og frístundasviðs hefur Hafnfirðingabrandarinn hlotið bæði Íslensku bókmenntaverðlaunin og Fjöruverðlaunin í flokki barna- og unglingabóka. Bókin hlaut jafnframt frábæra dóma hjá öllum gagnrýnendum sem um hana fjölluðu og er nýlega komin út í kilju.

Þýdda bókin sem hlaut verðlaunin að þessu sinni var bandaríska ungmennaskáldsagan Eleanor og Park í þýðingu Birgittu Hassel og Mörtu Hlínar Magnadóttur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd