Ráðstefna og fræðsla um kynferðislega misnotkun í trúarlegu samhengi

  • Höfundur: Ritstjórn Forlagsins
Marie Fortune

Opin ráðstefna og fræðsla um kynferðislegt ofbeldi og kynferðislega misnotkun í trúarlegu samhengi verða haldin 18. – 19. október 2011.

Það eru guðfræði- og trúarbragðadeild Háskóla Íslands, Fagráð kirkjunnar um meðferð kynferðismála og Guðrún Ebba Ólafsdóttur sem standa fyrir viðburðinum. Einn fremsti fræðimaður samtímans á þessu sviði mun koma til landsins af þessu tilefni, séra dr. Marie Fortune frá FaithTrust Institute í Bandaríkjunum.

Markmiðið með komu dr. Marie Fortune til landsins er að bjóða sem flestum að njóta þekkingar hennar og reynslu, einkum þeim sem starfa á hinu kirkjulega sviði en þekking hennar er ekki bundin við það svið eingöngu. Fyrirhugað er að fyrri daginn verði opin ráðstefna um kynferðislegt ofbeldi og forvarnir og síðari dagurinn verði sérsniðinn námsdagur að þörfum starfsfólks kirkju og safnaða.
Ráðstefnan og námsdagurinn er í samvinnu við: Guðfræðistofnun HÍ, Reykjavíkur- og Kjalarnesprófastdæmin, Prestafélag Íslands og Forlagið vegna útgáfu bókarinnar Ekki líta undan.



Hér er að finna nánari upplýsingar um ráðstefnuna, námsdaginn og dr. Marie Fortune.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd