Prentvélarnar ekki komnar í jólafrí!

  • Höfundur: Ritstjórn Forlagsins
Höfundar

Jólabækurnar hrúgast úr hillunum og enn fleiri titlar eru nú á leið í endurprentun. Nú verður Frönsk svíta endurprentuð sem kom út í september í tilefni af heimsókn dóttur höfundarins á Bókmenntahátíð. Bókin hefur fengið glæsilega dóma og virðast vinsældir hennar ekkert ætla að dala nú fyrir jólin enda er þetta kjörin bók í jólapakkann handa öllum sem kunna að meta fagurbókmenntir.

Valeyrarvalsinn eftir Guðmund Andra Thorsson, Bernskubók eftir Sigurð Pálsson og Málverkið eftir Ólaf Jóhann Ólafsson, bækur sem gagnrýnendur hafa sagt vera bestu bækur þessara virtu og vinsælu höfunda, eru einnig á leið í endurprentun sem og barnabókin Forsetinn, prinsessan og höllin sem svaf, sem er þriðja bókin um þessar fjörugu persónur sem verðlaunaskáldið Gerður Kristný hefur skapað.

Ríkisfang: Ekkert – flóttinn frá Írak á Akranes fjallar um flóttakonur sem fengu búsetu á Akranesi eftir að hafa dvalist í Al Waleed-flóttamannabúðunum. Bókin fjallar um sögu þeirra og örlög en einnig aðlögun þeirra á Íslandi og nýja byrjun. Bókin hefur fengið ótrúlegar viðtökur enda snerta sláandi lýsingar og frásagnir kvennanna alla sem bókina lesa. Bókin er nú á leiðinni í þriðju endurprentun.

Gamlinginn sem skreið út um gluggann og hvarf slær öll endurprentunarmet þetta árið – en nú er bókin á leið í sjöttu endurprentun. Bókin hefur verið prentuð fjórum sinnum í kilju og tvisvar sinnum innbundin. Dásamleg bók sem hressir, bætir og kætir eins og jólamaltið.




Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd