Ormstunga fær frábæra dóma!

  • Höfundur: Ritstjórn Forlagsins
Ormstunga

Ormstunga, þriðja bókin í bókaflokknum Þriggja heima sögu, hlaut á dögunum glæsilegan dóm í Fréttablaðinu.

Þriggja heima saga hófst árið 2011 með Hrafnsauga, æsispennandi háfantasíu sem hlaut íslensku barnabókaverðlaunin. Ári seinna kom bók númer tvö, Draumsverð, sem einnig hlaut frábærar viðtökur.

Friðrika Benónýsdóttir, gagnrýnandi Fréttablaðsins, gefur Ormstungu fjórar stjörnur og hefur dóminn á að árétta að Ormstunga sé alls engin unglingasaga heldur „fullvaxin fantasía fyrir allan aldur“. Auk þess segir hún: „… þessi lesandi hér, sem ekki hefur mikið dálæti á fantasíum og furðusögum, heillaðist upp úr skónum og gat varla lagt bókina frá sér fyrir spennu. Hér er einfaldlega verið að segja áhugaverða, vel byggða og vel hugsaða sögu með vísunum í allar áttir, áhugaverðri framvindu og persónum sem vekja áhuga og samlíðan.“

Friðrika segir Ormstungu vera bestu bókina hingað til og bendir á að lesendur ættu ekki að láta fantasíu-stimpilinn fæla sig frá: „ Ormstunga er breið fjölradda skáldsaga sem hægt er að lesa út frá fjölmörgum sjónarhornum og það skiptir engu í hvaða bókmenntagrein hún er flokkuð. Góð saga er góð saga hvert sem yrkisefnið er og þeir Kjartan Yngvi og Snæbjörn hafa hér náð fullum tökum á viðfangsefninu og skapað heim sem heillar og hrífur … Þriðja og besta bókin í Þriggja heima sögu er ekki bara spennandi og áhugaverð fantasía heldur breið og margradda skáldsaga sem talar beint inn í samtímann.“

Taktu fantasíu í fríið!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd