Ómissandi fyrir forvitna ferðamenn!

  • Höfundur: Ritstjórn Forlagsins
Nanna

Í dag gefur Forlagið út bók Nönnu Rögnvaldardóttur, Icelandic Food and Cookery. Bókin gefur sannkallað bragð af Íslandi en í henni er að finna hefðbundnar og nútímalegar íslenskar uppskriftir, yfirlit um sögu matargerðar á Íslandi, matartengdar sagnir og fróðleik.

Bókin hefst á sögulegum inngangi um íslenskan mat og eldamennsku allt frá landnámi til nýja norræna eldhússins. Fjallað er um hefðbundinn íslenskan hátíðamat og matarhefðir tengdar ákveðnum dögum í sérstökum kafla en meginefni bókarinnar er uppskriftir að algengum íslenskum réttum, einskonar ferðalag um íslenskan heimilismat 20. aldar. Flestar uppskriftirnar eru úr fjölskyldu höfundar eða gömlum matreiðslubókum og tímaritum en einnig eru þar vinsælar nýlegar uppskriftir. Hverri uppskrift fylgja upplýsingar um sögu og uppruna réttarins, matartengdar fjölskyldusögur eða annar skemmtilegur fróðleikur sem á einn eða annan hátt setur réttinn í samhengi og vekur upp tilfinningu fyrir íslenskri matseld og menningu og hvernig hún hefur þróast og breyst.

Nanna Rögnvaldardóttir var alin upp í skagfirskri sveit og lærði þjóðlegar matarhefðir af móður sinni. Hún hefur á undanförnum árum sent frá sér hátt á annan tug matreiðslubóka. Icelandic Food and Cookery kom fyrst út í Bandaríkjunum 2002 en hefur lengi verið uppseld og mjög eftirsótt. Þessi útgáfa er mikið breytt og aukin og hefur Nanna bætt við miklu efni um íslenska matarsögu og matarhefðir, auk uppskrifta.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd