Öðlingar sameinast

  • Höfundur: Ritstjórn Forlagsins

Samstöðuátakið Öðlingurinn skipti um hendur nú um helgina þegar öðlingar af kyni karla létu kyndilinn í hendur kvenna – á sjálfan konudaginn. Öðlingurinn er fræðslu- og styrktarátak gegn kynbundnu ofbeldi sem hófst á bóndadaginn, þann 22. janúar,  þegar valinn hópur karlmanna fékk boð um að leggja átakinu lið og safna fé fyrir Neyðarmóttöku vegna nauðgana. Á konudaginn 21. febrúar færðist kyndillinn frá bónda til konu; þegar öðlingar innan kvennahreyfingarinnar tóku við átakinu.

Öðlingar innan kvennahreyfingarinnar munu beita sér í baráttunni og safna fé fyrir samstöðufund sem haldinn verður í október. Þá verður fjórði kvennafrídagurinn haldinn hátíðlegur í Reykjavík en markmið hans verður að að vekja athygli á kynbundnu og kynferðislegu ofbeldi.

Samstaða íslenskra kvenna á kvennafrídaginn þann 24. október 1975 vakti heimsathygli. Það sama má segja um 24. okt. árið 1985 og síðast árið 2005. Vonir standa til þess að kvennafrídagurinn í haust verði stærri og fjölmennari en nokkru sinni fyrr.

Fræðsla er mikilvægasta vopnið í baráttunni gegn kynbundnu ofbeldi. Öðlingarnir hvetja þig til að kaupa bókina Ofbeldi á Íslandi: Á mannamáli á heimasíðunni Öðlingurinn.is og styrkja þannig samstöðufundinn í haust. Öðlingarnir sem nú hafa tekið við söfnuninni eru fulltrúar á vegum samtaka kvennahreyfingarinnar, m.a. frá Stígamótum, Kvennaathvarfinu, Kvenréttindafélagi Íslands, Zonta konum, Soroptimistum, Kvenfélagasambandinu, Femínistafélagi Íslands, Kvennaráðgjöfinni, Unifem á Íslandi o.fl.

Frá vinstri á myndinni eru Ása Atladóttir og Sigurlaug Viborg frá Kvenfélagasambandi Íslands, Margrét K. Sverrisdóttir og Halldóra Traustadóttir frá Kvenréttindafélagi Íslands og Ingveldur Ingólfsdóttir frá Bandalagi kvenna í Reykjavík og öðlingarnir Karl Sigurðsson tónlistarmaður og Snorri Ámundsson myndlistarmaður.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd