Nýtt leikrit eftir Braga Ólafsson

  • Höfundur: Ritstjórn Forlagsins

Morgunblaðið segir frá því í dag (09.01.2013) að Þjóðleikhúsið hafi fest kaup á nýju leikriti eftir Braga Ólafsson og stjórnendur þar á bæ hafi í hyggju að frumsýna það í haust.

Skemmst er að minnast þess að síðasta leikrit Braga, Hænuungarnir, gekk tvö fyrir fullu húsi í tvö leikár í Kassanum (frá ársbyrjun 2010) og er ógleymanlegt öllum sem það sáu, svo fyndið og hárbeitt var það.

Nýja leikritið hefur enn ekki fengið nafn og ekki mun enn hafa verið ákveðið hver stýrir því en nafn Stefáns Jónssonar, leikstjóra Hænuunganna, hefur verið nefnt og einnig getur blaðið sér þess til að Eggert Þorleifsson verði meðal leikenda. Hann var alveg óborganlegur í hlutverki Sigurhans vínilplötusafnara í Hænuungunum og ekki hefur neinum tekist að gleyma honum í hlutverki gömlu konunnar í Belgísku Kongó eftir Braga sem sýnt var lengi í Borgarleikhúsinu (frá 2004).

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd