Nýjar sögur um Kugg og Mosa

  • Höfundur: Ritstjórn Forlagsins
Sigrún og Kuggur

Sigrún Eldjárn leggur nú lokahönd á tvær nýjar sögur um Kugg og Mosa, Málfríði og mömmu Málfríðar. Þetta eru ellefta og tólfta bókin í smábókaröðinni um þessar vinsælu persónur sem hafa verið á vappi síðan 1987.

Nýju bækurnar heita Listahátíð og Ferðaflækjur. Í þeirri fyrrnefndu ákveða vinirnir að taka þátt í listahátíð og skipta með sér verkum: mamma Málfríðar semur tónverk og flytur það í Hörpu, Málfríður skrifar leikrit og sýnir í Þjóðleikhúsinu og sjálfur málar Kuggur mynd sem fer upp á vegg í Listasafni Íslands. Þeim til mikillar furðu rekast þau á mýs í öllum þessum merkilegu menningarstofnunum – hvaða mýs skyldu það vera?

Ferðaflækjur segir frá því þegar Kuggur fer með mæðgunum upp í sveit. Á leiðinni þurfa þau að glíma við ýmsar þrautir og flækjur sem lesendur fá að hjálpa þeim að leysa. Nýju Kuggsbækurnar koma á markað í vor, í tæka tíð fyrir listahátíð og ferðaflækjur sumarsins.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd