Nýjar kiljur í vikunni

  • Höfundur: Ritstjórn Forlagsins
Nýjar kiljur

Næstkomandi fimmtudag koma út tvær sérlega áhugaverðar nýjar erlendar kiljur. Annars vegar er það hin dásamlega Etta og Otto og Russel og James, gullfalleg ferða- og lífssaga eftir Emmu Hooper og hins vegar er það hin hárbeitta, drepfyndna og á tímum óþægilega Aftur á kreik eftir Timur Vermes.

Etta og Otto og Russel og James:
Etta ætlar að ganga 3200 kílómetra til að sjá hafið. Hún er áttatíu og þriggja ára og hefur aldrei séð það fyrr. Hún skilur eftir miða í eldhúsinu með kveðju til Ottos – og á einhvern hátt skilur hann hvers vegna. Hann fór sjálfur í sína langferð til að berjast í fjarlægu landi. Eftir brottför Ettu tekst Otto á við djöfla seinni heimsstyrjaldarinnar en Russel vinur þeirra leggur af stað til að leita uppi konuna sem hann hefur ætíð elskað úr fjarlægð. Og James, honum þarftu að kynnast af eigin raun.

Þessi töfrandi saga af vináttu og ást fjallar um hvunndagshetjur í óvenjulegum aðstæðum, fólk sem lætur drauma sína rætast – hvert á sinn hátt.

Sum loforð endast ævilangt.

Nanna B. Þórsdóttir þýddi.

Aftur á kreik:
Adolf Hitler vaknar einn góðan veðurdag árið 2011 í almenningsgarði í Berlín eftir að hafa sofið frá árinu 1945. Hann veit ekkert hvað hefur gerst í millitíðinni en hyggst halda sínu striki hvað sem á dynur. Allir sem á vegi hans verða telja að hér sé snjall leikari á ferð og hann vekur hvarvetna hrifningu fyrir sannfærandi gervi og ótrúlega innlifun í hlutverk Foringjans. Fljótlega kemst hann í kynni við framleiðendur skemmtiþáttar í sjónvarpinu og fær þar tækifæri til að láta ljós sitt skína. Hann slær í gegn og myndskeið með ræðuhöldum hans slá öll áhorfsmet á YouTube. Leiðin virðist greið á ný …

Háðsádeilan um Hitler í nútímanum kom út í Þýskalandi árið 2012 og er orðin að margfaldri metsölubók þar og víðar. Timur Vermes er fæddur árið 1967 í Nürnberg og Aftur á kreik er hans fyrsta skáldsaga.

Bjarni Jónsson þýddi.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd