Ný skrímslabók og frábærar viðtökur í Skandinavíu

  • Höfundur: Ritstjórn Forlagsins
Litla skrímslið í miklum fíling

Von er á nýrri skrímslabók frá Áslaugu Jónsdóttur og félögum í vetur en bókin sú hefur fengið titilinn Skrímsli á toppnum. Bækurnar um Stóra skrímslið, Litla skrímslið og Loðna skrímslið hafa ekki aðeins skemmt lesendum á Íslandi heldur víðar um jarðir. Nú fréttist af góðum viðtökum bókarinnar Skrímsli í heimsókn hjá dönskum gagnrýnendum. Rýnir Politiken segir m.a. um þá sögu að hún fangi viðfangsefni sem sé börnum af öllum stærðum afar hugleikið og Torben Wilhelmsen hjá Dansk BiblioteksCenter segir hana afar merkilega myndabók, bæði einstaka og aðgengilega.

Svíarnir eru hins vegar langt á undan lestinni og hafa þegar rýnt í nýjustu bókina – sem ekki er komin út. Helene Ehriander hjá Bibliotestjänst þar í landi segir um Skrímsli á toppnum. „Þetta er sjötta sænsk-íslensk-færeyska myndabókin um litla skrímslið og stóra skrímslið, og eins og fyrri sögur sýnir þessi spennandi afrakstur frjórrar samvinnu, frumlegrar kímnigáfu og fágætrar hugmyndaauðgi. … Myndirnar eru listrænar og aðgengilegar og sýna sterkar tilfinningar. Þrátt fyrir að höfundarnir séu þrír er frásögnin ein og sterk, þar sem hvert smáatriði er úthugsað og fellur óaðfinnanlega að heildinni. Sögurnar um skrímslavinina tvo hafa orðið eftirlæti margra barna og það er gleðilegt að sjá að sköpun þessa hugmyndaríka höfundatríós dofnar ekki vitund heldur þróast þvert á móti áfram.“

Aðdáendur Skrímslanna eiga greinilega von á góðu.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd