Ný bók eftir Stefán Mána

  • Höfundur: Ritstjórn Forlagsins
Úlfur

Út er komin ný bók eftir Stefán Mána sem bet titilinn Úlfshjarta. Hún er spennandi og óvænt eins og höfundarins er von og vísa en ætluð víðari lesendahópi en fyrri bækur hans. Stefán Máni segir í viðtali við Fréttablaðið að hann hafi langað til að sinna hópi sem fáir íslenskir höfundar skrifa fyrir – því sem enski markaðurinn kallar Young Adult. Alþjóðlega eru þetta gríðarvinsælar bækur sem höfða jafnt til ungs fólks og fullorðinna og nægir að nefna Hungurleikana og Twilight-bókaflokkinn í því samhengi.

Í sögumiðju Úlfshjarta eru Alexander og Védís, 19 og 17 ára Reykvíkingar sem eru bæði örlítið utanveltu í lífinu – hann hættur í skólanum og hún vinalaus og einangruð. Þau hrífast hvort af öðru en áður en þau ná almennilega saman grípa örlögin í taumana svo ekkert verður eins og áður.

Stefán Máni naut leiðsagnar nokkurra unglinga við ritun sögunnar og fékk frá þeim góðar athugasemdir. Um leið fékk hann staðfestingu á því að sagan virkaði því allir lesararnir hrifust innilega af sögunni og voru til í að lesa handritið aftur og aftur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd