Nú er það blátt! Strumpað í Húsdýragarðinum

  • Höfundur: Ritstjórn Forlagsins
Strumpar

Aðdáendur hinna smávöxnu Strumpa fagna alþjóðlegum gleðidegi þeirra nk. laugardag, þann 25. júní. Dagurinn sá er fæðingadagur belgíska listamannsins Peyo, skapara Strumpanna.

Í tilefni dagsins munu þúsundir manna víðsvegar um heiminn gera tilraun til þess að komast á síður Heimsmetabókar Guinness og slá metið fyrir stærstu samkomu fólks í Strumpabúningum. Metið stendur nú í 2.510 þátttakendum en safnast verður saman í 12 borgum, þar á meðal í London, Moskvu, Panama, Brussel og New York.

Ennfremur verða Strumpaviðburðir haldnir um borg og bí, þar á meðal á Íslandi. Afþreyingarfyrirtækið Sena, dreifingaraðili væntanlegrar stórmyndar um Strumpana sem sýnd verður í ágúst, skipuleggur strumpandi skemmtidagskrá í Húsdýragarðinum á laugardaginn. Þar geta krakkar leita að Strumpum í garðinum og fengið bíómiða að launum, látið taka mynd af sér með risastórum Strumpi eða fengið Strumpayfirhalningu með andlitsmálun.

Þess má einnig geta að Spánverjar láta ekki sitt eftir liggja og ætla að mála þorpið Júzcar blátt í tilefni dagsins (!). Strumpar munu strumpast í kringum Effel-turninn í París, flugvöllinn í Bogotá og það verður víst algjör Strumpastemmning í Tívolíinu í Kaupmannahöfn. Sjá nánar um alheimsstrump á síðunni www.globalsmurfsday.com/.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd