Nóbelsverðlaunahafinn Munro á íslensku

  • Höfundur: Ritstjórn Forlagsins
Munro

Smásagnasafnið Lífið að leysa eftir hina kanadísku Alice Munro er nú fáanlegt á íslensku.

Næsti Nóbelsverðlaunahafi verður ekki kynntur fyrr en í október og eftir því sem næst verður komist er þetta í fyrsta sinn sem út kemur bók á íslensku eftir Nóbelshöfund meðan hann er ennþá handhafi verðlaunanna, eða öllu heldur á Nóbelsárinu.

Munro hlaut verðlaunin fyrir smásögur sínar enda þykja þær einstök meistaraverk, knappar, afhjúpandi og spennandi. Söguhetjur hennar eru manneskjur af öllu tagi; ungar og gamlar, ríkar og fátækar, konur og karlar. Hún dregur lesandann inn í líf þeirra af listfengi og áður en hann áttar sig eru þær orðnar honum kærar og nákomnar – þó gallaðar séu eins og fólk er flest. Margar sögurnar lýsa andartaki þegar líf söguhetju breytist eða byltist og ástin er sérstaklega ágengt umfjöllunarefni.

Silja Aðalsteinsdóttir þýddi safn Munro listilega og ritar einnig eftirmála.

Þessa þungavigtarbók ættu engir bókmenntaunnendur að láta fram hjá sér fara.

Hér má hlusta á umfjöllun Jórunnar Sigurðardóttur um Alice Munro í þættinum Orð um bækur.

Hér má hlusta á viðtal Jórunnar við Silju Aðalsteinsdóttur, þýðanda Lífið að leysa.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd