Mómó endurútgefin

  • Höfundur: Ritstjórn Forlagsins
Mómó

Hin sívinsæla, en lengi ófáanlega, Mómó eftir Michael Ende hefur nú verið endurútgefin í glæsilegri bók.

Í rústum hringleikahúss í útjaðri stórrar borgar býr stelpa sem heitir Mómó. Hún á enga fjölskyldu en safnar að sér vinum, enda kann hún það sem mestu máli skiptir: að hlusta. Dag einn birtast grámennin í borginni, nánast ósýnileg en með stórhættulegt ráðabrugg sem enginn getur stöðvað nema Mómó.

Mómó er hugljúf og margslungin saga, eftir höfund Sögunnar endalausu, sem hefur selst í meira en sjö milljónum eintaka á fjölda tungumála.

Þess má til gamans geta að Mómó er ein af uppáhaldsbókum leikkonunnar vinsælu, Sögu Garðasdóttur, en í tilefni af útgáfunni fengum við hana til þess að segja okkur hvers vegna henni þykir svona vænt um bókina:

„Mómó er ein af fáum bókum sem ég hef lesið tvisvar og eina bókin sem ég hef lesið þrisvar. Hún er uppáhalds barnabókin mín, fullorðinsbókin mín, ljóðabókin mín og kennslubókin mín. Við alla sem vilja prófa hugvíkkandi eiturlyf myndi ég líka vilja segja: „Nei, nei, viltu ekki bara frekar lesa Mómó!““

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd