Miklar vinsældir Mánasteins

  • Höfundur: Ritstjórn Forlagsins
Sjón

Ein mestumtalaða bókin þessi jólin, Mánasteinn eftir Sjón, heillar fleiri en Íslendinga því erlendir útgefendur hafa sýnt henni mikinn áhuga. Frá því bókin kom út á íslensku fyrir tæpum mánuði síðan hefur hún selst til Frakklands, Svíþjóðar, Danmerkur og Finnlands og rétt fyrir jól var gengið frá samningum við útgefendum í Þýskalandi, Spáni og Bandaríkjunum.

Sigurganga Sjóns um heiminn hefur verið töfrum líkust og er skemmst að minnast þess að eitt virtasta forlag Bandaríkjannna, Farrar, Strauss & Giroux gaf fyrr á árinu samtímis út þrjár bækur Sjóns, sem þykir afar fáheyrt. Þetta voru bækurnar Skuggabaldur, Argóarflísin og Rökkurbýsnir, í þýðingu Victoriu Cribb, og hafa þær vakið mikla athygli og hlotið frábæra dóma.

2013 hefur því verið stórgott ár fyrir Sjón og vekur það mikla gleði hér á Forlaginu að sem allra flestir fái að njóta bóka hans!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd