Mikill fengur fyrir ljóðaunnendur!

  • Höfundur: Ritstjórn Forlagsins
Vilborg Dagbjartsdóttir

Í berst íslenskum ljóðaunnendum sérstakur glaðningur: Ljóðasafn Vilborgar Dagbjartsdóttur. Vilborg hefur í áratugi verið meðal okkar ástsælustu skálda. Ljóð hennar eru fjölbreytt og höfða sterkt til margra; í senn opin, beinskeytt og djúp. Safnið geymir allar ljóðabækur hennar, frumsamin ljóð og þýdd, og fáein áður óbirt ljóð.

Vilborg vakti athygli strax árið 1960 með fyrstu ljóðabók sinni, Laufinu á trjánum, og rúmum áratug og tveimur ljóðabókum síðar hafði hún tryggt sér stöðu meðal virtustu og vinsælustu skálda okkar, ein fárra kvenna. Ljóðasafnið nýja er gefið út í tilefni af 85 ára afmæli hennar.

Vilborg yrkir á frjálsu, nútímalegu ljóðmáli og kjör og reynsla kvenna og barna verða henni oft að yrkisefni. Ljóð hennar eru opin og ná rakleitt til lesenda en einfaldleikinn er aðeins á yfirborðinu; þau tjá einatt annan veruleika handan við orðin, oft með vel völdum líkingum, beitingu andstæðna og þverstæðna. Umgerðin er fjölbreytt, allt frá knöppum japönskum hækum og seiðandi ljóðum í þjóðkvæðastíl til ljóðabálka og langra prósaljóða.

Þorleifur Hauksson ritar ítarlegan formála en hann skrifaði einmitt ævisögu Vilborgar, Úr þagnarhyl, sem hlaut frábærar viðtökur þegar hún kom út árið 2011.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd