Með sex bækur á topp tíu

  • Höfundur: Ritstjórn Forlagsins
Jussi Adler-Olsen

Fréttablaðið ræddi á dögunum við Egil Örn Jóhannsson framkvæmdastjóra um fyrstu bók danska metsöluhöfundarins Jussi Adler-Olsen sem væntanleg er í íslenskri þýðingu.

„Á næstu vikum kemur fyrsta bók danska spennusagnahöfundarins Jussi Adler-Olsen, Konan í búrinu, út á íslensku. Adler-Olsen þessi hefur notið fáheyrðra vinsælda í Danmörku síðustu misseri. Til marks um það voru allar sex bækur hans á topp tíu danska bókalistans eina vikuna í janúar en undanfarið hafa að jafnaði þrjár bóka hans átt fast sæti þar. Þó er ekki nema rúmt ár síðan hann sló rækilega í gegn.
„Þetta er mest seldi höfundur Dana í dag eins og sést á topplistum þar í landi,” segir Egill, hæstánægður með að hafa landað höfundinum. Egill hitti Adler-Olsen einmitt á bókamessunni í Frankfurt síðasta haust. „Hann setti sig bara í samband við mig, maður var hálf „starstruck”. Við áttum þarna ágætis spjall og hann hefur mikinn áhuga á landi og þjóð. Hann hefur mikinn áhuga á að koma til Íslands, bæði til að skoða landið og skrifa að ég held.”
Aðspurður segir Egill að fyrsta bók Adler-Olsens komi vonandi út síðar í þessum mánuði. Hinar fimm verði svo gefnar út „rösklega” á næstunni. Þá eiga spennusagnaunnendur von á nýjum bókum frá James Patterson, Lee Child, Ásu Larsson og fleirum.”

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd