Maxímús í Kóreu

  • Höfundur: Ritstjórn Forlagsins

Tónlistarmúsin mikla, Maxímús Músíkús, sem fjölmörg íslensk börn kannast við gerir nú víðreist í Asíu. Bókin kom nýverið út í Kóreu og berst hróður hennar hratt um heiminn. Fjölmargir útgefendur og tónleikahaldarar hafa lýst yfir áhuga og ánægju með bókina enda veitir hún kærkomna innsýn inn í heim sígildrar tónlistar.

Það er ekki eingöngu íslensk ritlist sem ferðast um heiminn heldur einnig tónlistin. Kóresk börn fá þannig tækifæri til þess að hlýða á flutning Sinfóníuhljómsveitar Íslands, m.a. á hinu velþekkta lagi „Á Sprengisandi“, því með bókinni fylgir geisladiskur með upplestri sögunnar og allri tónlistinni og hljóðunum sem músin heyrir í ævintýri sínu. Bókinni hefur verið frábærlega tekið í Kóreu og hefur Maxímús þegar ratað inn á metsölulista vinsælla barnabóka þar í landi.

Sagan  Maxímús Músíkús heimsækir hljómsveitina er annars fjörug saga um litla mús sem villist inn í tónlistarhús. Þar er heil sinfóníuhljómsveit að hefja æfingu og músin Maxi þvælist fyrir fótum hljóðfæraleikaranna. Hann lærir hvað hljóðfærin heita og hvers konar hljóð þau gefa frá sér og gefst að lokum tækifæri til að hlusta á tónleika innan um prúðbúna tónleikagesti.

Söguna skrifar Hallfríður Ólafsdóttir, leiðandi flautuleikari við Sinfóníuhljómsveit Íslands, en myndirnar teiknar starfsbróðir hennar í hljómsveitinni, Þórarinn Már Baldursson víóluleikari. Von er á nýrri bók eftir Hallfríði og Þórarinn nú í vor. Í þetta skipti trítlar Maxímús í tónlistarskólann og verður margs vísari um hvað þar fer fram. Sinfóníuhljómsveit Íslands mun endurtaka leikinn í apríl og skipuleggja tónleika fyrir yngstu hlutsendurna í tengslum við bókina en þá verða afar ungir einleikarar í fararbroddi.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd