Maturinn hennar Nönnu loks komin aftur

  • Höfundur: Ritstjórn Forlagsins
Nanna Rögnvaldar

Maturinn hennar Nönnu kom fyrst út árið 2009 bókin en það sem helst einkennir bókina er að hún hefur nýtni matvæla að leiðarljósi. Uppskriftirnar eru miðaðar að því nýta megi afganga og hráefni sem eiga það til að daga uppi í hillum og ísskápum landsmanna. Matarsóun hefur verið mikið í umræðunni og er þetta framlag frá matmóður okkar Íslendinga kærkomin aðstoð fyrir þá sem vantar góðar hugmyndir og ráð í eldhúsinu.

Nanna gefur hér upppskriftir að einföldum mat af því tagi sem hún eldar sjálf handa sínu fólki, réttum sem hægt er að breyta á ýmsa vegu, eftir smekk og fjárhag hvers og eins eða bara eftir því hvað er í skápunum hverju sinni. Einnig kemur hún með tillögur að meðlæti og útskýrir hvort og hvernig má aðlaga uppskriftina svo að hún henti fyrir einn. Hverjum rétti fylgja líka nokkrar hugmyndir um hvað gera megi úr afgöngum.

Nanna tekur jafnframt fyrir eitt hráefni úr hverri uppskrift – krukkusósu, krydd eða annað – og setur fram fjölda hugmynda og ábendinga um nýtingu þess. Þetta gerir bókina margfalt notadrýgri en hefðbundnar matreiðslubækur – áherslan er á að njóta og nýta, að borða vel án þess að kosta miklu til.

Nanna Rögnvaldardóttir er alþekkt fyrir stórvirki sín, Matarást og Matreiðslubók Nönnu, en hin fyrrnefnda var tilnefnd til Íslensku bókmenntaverðlaunanna og sú síðari er biblía á fjölmörgum heimilum. Hún hefur samið nokkrar aðrar matreiðslubækur á íslensku og ensku og skrifað um mat og matargerð í fjölda blaða og tímarita.

Bókin er einstaklega eiguleg og falleg prýdd glæsilegum ljósmyndum Gísla Egils Hrafnssonar en Alexandra Buhl sá um útlit og hönnun.
Bókin er tilnefnd til Gourmet World Cookbook Awards 2009 í tveimur flokkum, Best Innovative Cookbook og Best Cookbook Illustrations.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd