Maraþonlestur í Frystiklefanum

  • Höfundur: Ritstjórn Forlagsins
Þá hló Skúli

Sunnudaginn 20. desember næstkomandi mun Kári Viðarsson; leikari, listrænn stjórnandi og eigandi Frystiklefans í Rifi; standa fyrir fjáröflun í minningu afa sína, Skúla Alexanderssonar, sem lést fyrr á þessu ári. Fjáröflunin verður til styrktar Sjómannagarðssins á Hellissandi sem var eitt af mörgum ástríðuverkefnum Skúla og verður hún fólgin maraþonhúslestri Kára á ævisögu afa sins, Þá hló Skúli eftir Óskar Guðmundsson, sem kom út nú fyrir skömmu. Bókin hefur fengið frábæra dóma hjá lesendum og gagnrýnendum og því ætti engum að leiðast lesturinn. Segir meðal annars í fjögurra stjörnu dómi gagnrýnanda Morgunblaðsins, Sigurði Boga Sævarssyni:

„Lífsgleðin skín í gegn og það er hvergi dauður punktur í bókinni … greinagóð og lipurlega skrifuð … ritið mun halda á lofti nafni þess manns, sem vildi vel og munaði um í samfélagi sínu.“

Kári mun ekki lesa bókina í undirbúningi fyrir þennan lestur og verður viðburðurinn þannig einnig einskonar endurfundur Kára og afa síns, sem voru mjög góðir vinir og áttu sterkt samband á meðan Skúli lifði.

Lesturinn hefst kl. 9 að morgni og stendur þar til bókin klárast, að öllum líkindum um miðnætti. Allir eru velkomnir að koma og fara eins og þá lystir, drykkir og veitingar í boði og eins og áður segir verður tekið við frjálsum framlögum sem öll renna til Sjómannagarðsins á Hellissandi. Auk þess verður bókin til sölu á staðnum og höfundur hennar, Óskar Guðmundsson, áritar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd