Mamma klikk tilnefnd til verðlauna!

  • Höfundur: Ritstjórn Forlagsins
Gunnar Helgason

Íslenska dóm­nefnd Barna- og ung­linga­bóka­verðlauna Vestn­or­ræna ráðsins hef­ur til­nefnt bók­ina Mamma klikk eft­ir Gunn­ar Helga­son til verðlaun­anna árið 2016.

Verðlaun­in hafa verið veitt annað hvert ár frá ár­inu 2002 og er nú til­nefnt til þeirra í átt­unda skipti. Þau hljóta barna- eða ung­linga­bók sem þykir bera af öðrum sam­bæri­leg­um bók­um sem gefn­ar hafa verið út í Fær­eyj­um, Græn­landi eða Íslandi, seg­ir í frétta­til­kynn­ingu.

Í rök­stuðningi dóm­nefnd­ar seg­ir meðal ann­ars:

Bók­in seg­ir frá Stellu, sem er al­veg að verða þrett­án ára, og sam­bandi henn­ar við móður sína, sem hún kall­ar mömmu klikk. Stella er venju­leg­ur ung­ling­ur og þarf að kljást við vanda­mál sem fylgja því að vera þrett­án ára stelpa: Kynþrosk­ann, vin­kvenna­vanda­mál, sjálfs­mynd­ina og von­lausa for­eldra. En ekki er allt sem sýn­ist; líf Stellu er flókn­ara en það virðist í fyrstu og kannski er mamma ekki al­veg jafn klikk og hún kann að virðast.

Í Mömmu klikk hljóm­ar sögu­manns­rödd sem fær sjald­an að heyr­ast en á svo sann­ar­lega er­indi við les­end­ur á öll­um aldri. Bók­in er skrifuð með virðingu fyr­ir les­and­an­um í fyr­ir­rúmi. Stella seg­ir sögu sína sjálf, á ein­læg­an hátt, þótt hún segi les­and­an­um ekki allt. Mamma klikk er skáld­saga fyr­ir ung­linga þar sem bók­mennta­leg­ir eig­in­leik­ar list­forms­ins eru nýtt­ir til hins ýtr­asta, sjón­ar­horn sögu­manns­ins og sam­band hans við les­and­ann eru lyk­ill­inn að því hversu vel sag­an er heppnuð. Í bók­inni er tek­ist á við hina ei­lífu spurn­ingu: Hvað er venju­legt? Svarið er hugs­an­lega ekki til, en leit­in að því er sett fram með húm­or og kænsku, þar sem les­and­inn er ít­rekað þvingaður til þess að end­ur­meta stöðu mála og eig­in af­stöðu, þegar nýj­ar upp­lýs­ing­ar bæt­ast við vel byggða fléttu. Les­and­an­um er treyst til þess að nota eig­in dómgreind til þess að draga lær­dóm af sögu Stellu.

Mamma klikk eft­ir Gunn­ar Helga­son er skrifuð af ein­lægni og stíl­fimi og tek­ur á al­var­leg­um mál­um. Ung­ir les­end­ur eru tekn­ir al­var­lega og sag­an býður þeim upp á lestr­ar­reynslu sem krefst þess að þeir nýti eig­in túlk­un­ar­hæfi­leika.

Íslensku dóm­nefnd­ina skipa formaður Hild­ur Ýr Ísberg, bók­mennta­fræðing­ur og doktorsnemi, Jón Yngvi Jó­hanns­son bók­mennta­fræðing­ur og doktorsnemi, og Halla Þór­laug Óskars­dótt­ir, list­fræðing­ur og rit­höf­und­ur

Árið 2002 hlaut bók­in Sag­an af bláa hnett­in­um eft­ir Andra Snæ Magna­son verðlaun­in, árið 2004 bók­in Eng­ill í vest­ur­bæn­um eft­ir Krist­ínu Steins­dótt­ur og Höllu Sól­veigu Þor­geirs­dótt­ur, árið 2006 hlaut fær­eyska bók­in Hund­ur­inn, kött­ur­inn og mús­in eft­ir Bárð Osk­ars­son verðlaun­in, árið 2008 fékk Krist­ín Helga Gunn­ars­dótt­ir verðlaun­in fyr­ir bók­ina Drauga­slóð, 2010 hlaut Gerður Krist­ný verðlaun­in fyr­ir Garðinn, 2012 hlaut Lars-Pele Bert­hel­sen fyr­ir bók­ina Sag­an um Kaassali (Kassali­mik oqaluttu­aq), og í fyrra hlaut Andri Snær Magna­son verðlaun­in, og í annað skiptið í sögu verðlaun­anna, fyr­ir bók­ina Tímak­ist­an.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd