Lubbi kemur aftur

  • Höfundur: Ritstjórn Forlagsins

Lubbi finnur málbein, bók um íslensku málhljóðin eftir Þóru Másdóttur og Eyrúnu Ísfold Gísladóttur, vakti mikla athygli þegar hún kom út 2009, hlaut frábærar viðtökur barna, foreldra og gagnrýnenda og Upplýsing, félag bókasafns- og upplýsingafræðinga, valdi hana bestu íslensku fræðibókina fyrir börn það árið. Enda brýtur bókin blað í framsetningu á íslensku málhljóðunum og leggur þannig góðan grunn að lestrarnámi, ekki síst fyrir þá sem eiga við tal- og lestrarörðugleika að stríða. Bókinni fylgir geisladiskur þar sem Skólakór Kársness flytur vísur Þórarins Eldjárns um málhljóðin við alþekkt lög, en vísurnar má einnig finna í bókinni prýddar líflegum teikningum eftir Freydísi Kristjánsdóttur. Hugmyndasmiðirnir á bak við Lubba, sem báðir eru talmeinafræðingar, hafa haldið áfram að þróa efnið um Lubba og málbeinin hans og hafa nú gefið út kennsluefni sem byggir á bókinni: fjórar öskjur sem hafa að geyma fjölbreytt efni til málörvunar og hljóðavinnu með börnum á öllum aldri. Efnið er til sölu á heimasíðunni lubbi.is, þar sem einnig eru birtur ýmiss konar fróðleikur og skemmtilegar hugmyndir að leikjum með Lubbaefnið.

Bókin um Lubba hefur verið ófáanleg um skeið en nú hefur endurprentun verið ræst og nýtt upplag af Lubbi finnur málbein er væntanlegt á lager Forlagsins innan örfárra vikna.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd