Ljósa hreyfir við fólki

  • Höfundur: Ritstjórn Forlagsins
Kristín Steinsdóttir

Skáldsaga Kristínar Steinsdóttur, Ljósa, hreyfir við lesendum um þessar mundir eins og sjá má af lofsamlegum umsögnum sem um hana hafa birst, og víðar en á menningarvettvanginum. Umfjöllunarefni bókarinnar er enda eldfimt, geðsjúkdómar og takmarkaðar leiðir fyrri tíða manna til að takast á við þá og styðst Kristín þar lauslega við lífshlaup ömmu sinnar. Styrmir Gunnarsson, ritstjóri Morgunblaðsins, gerði bókina að umtalsefni fyrir nokkru undir yfirskriftinni „Amman sem aldrei var talað um“ og sagði þar meðal annars: „Lýsingarnar í bókinni á lífi Ljósu og viðbrögðum nánasta umhverfis hennar, foreldra, systkina, barna, sveitunga við alvarlegum geðsjúkdómi, sem á hana lagðist, eru hins vegar með þeim hætti, að þær geta ekki orðið til í hugarheimi nokkurs skálds. Þær hljóta að byggjast á frásögnum barna hennar og annarra aðstandenda, lýsa lífsreynzlu og þjáningum þeirra vegna sjúkdóms, sem mótar líf allra sem fyrir honum verða og sennilega næstu kynslóða á eftir. Þær eru settar fram af slíkri virðingu fyrir hrikalegum örlögum þessa fólks að eftir stendur einstæð frásögn af veröld, sem áður var lokuð og fæstir vissu mikið um.“ Í Sunnudagsblaði Moggans birtist ítarlegt viðtal Péturs Blöndals við Kristínu þar sem hún sagðist meðal annars hafa talað við sveitunga ömmu sinnar við vinnslu bókarinnar, fjörgamalt fólk sem mundi eftir henni, bæði af góðu og illu. Sama dag tók leiðari blaðsins bókina til umræðu og þar segir meðal annars: „Það er sláandi að lesa um skilyrðin sem fólk bjó við á Íslandi, sem glímdi við geðveiki í upphafi síðustu aldar. Rithöfundurinn Kristín Steinsdóttir lýsir því í Ljósu, áhrifamikilli skáldsögu sem er nýkomin út.“


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd