Lilja Sigurðardóttir hlýtur Blóðdropann 2018 fyrir bestu íslensku glæpasöguna

  • Höfundur: Ritstjórn Forlagsins

Lilja Sigurðardóttir hlýtur Blóðdropann 2018, hin íslensku glæpasagnaverðlaun, fyrir bók sína Búrið sem JPV/Forlagið gaf út á síðasta ári. Lilja er önnur konan sem fær verðlaunin frá því þau voru fyrst veitt árið 2007. Meðal verðlaunahafa fyrri ára eru Arnaldur Indriðason sem hlaut Blóðdropann í fyrra fyrir bók sína Petsamo, Stefán Máni og Yrsa Sigurðardóttir.

Dómnefnd verðlaunanna í ár skipuðu Guðrún Ögmundsdóttir, Vera Knútsdóttir og Páll Kristinn Pálsson og höfðu þau að eigin sögn úr vöndu að ráða. Alls komu 14 glæpasögur út á síðasta ári og eftirfarandi titlar til greina hjá dómnefnd:

  • Búrið – Lilja Sigurðardóttir (JPV / Forlagið)
  • Fuglaskoðarinn – Stefán Sturla (Ormstunga)
  • Gatið – Yrsa Sigurðardóttir (Bjartur)
  • Mistur – Ragnar Jónasson (Bjartur)
  • Morðið í Gróttu – Stella Blómkvist (Mál og menning / Forlagið)
  • Morðið í leshringnum – Guðrún Guðlaugsdóttir (GPA)
  • Myrkrið veit – Arnaldur Indriðason (Vaka-Helgafell / Forlagið)
  • Refurinn – Sólveig Pálsdóttir (Salka)
  • Samsærið -Eiríkur Bergmann (Sögur)
  • Skuggarnir – Stefán Máni (Sögur)
  • Stúlkan sem enginn saknaði – Jónína Leósdóttir (Mál og menning)
  • Umsátur – Róbert Marvin (Draumsýn)
  • Vályndi – Friðrika Benónýsdóttir (Sögur)
  • Vefurinn – Magnús Þór Helgson (Óðinsauga)

Við hjá Forlaginu óskum Lilju innilega til hamingju með verðlaunin!

 

 

 

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd