Líkamsvirðing í leikskólana!

  • Höfundur: Ritstjórn Forlagsins
Sigrún og Elín

Kroppurinn er kraftaverk – líkamsvirðing fyrir börn kom út fyrir ári síðan á Degi líkamsvirðingar þann 13. mars 2014. Hún er skrifuð með það að markmiði að efla jákvæða líkamsmynd barna, umhyggju þeirra fyrir líkama sínum og virðingu fyrir líkömum annarra.

Bókin er hugsuð fyrir börn á aldrinum 3-7 ára en fjölmargir foreldrar, kennarar, afar og ömmur og aðrir fullorðnir hafa haft orð á því að bókin teygi sig mun víðar í aldri og hafi ekki síður átt erindi til þeirra en barnanna.

Undir lok síðasta árs ákvað ung framhaldsskólastúlka, Elín Ósk Arnarsdóttir, að setja af stað fjársöfnun með það að markmiði að gefa öllum íslenskum leikskólum þessa bók. Eins og fram kemur í pistli á blogginu Líkamsvirðing var það hugsjón þessarar ungu konu að öll börn á Íslandi fengju að alast upp við jákvæðar hugmyndir um líkama sinn og virðingu fyrir fjölbreytileika þannig að þeim gæti liðið vel í eigin skinni og forðast neikvæðar afleiðingar slæmrar líkamsmyndar.

Elín hafði samband við Samtök um líkamsvirðingu, fékk þau í lið með sér og nú, hálfu ári síðar hefur safnast nægt fé til að gefa um 60 leikskólum þessa fínu bókargjöf. Auk þess hafa nokkur sveitarfélög, þar á meðal Reykjavíkurborg, Mosfellsbær og Fjarðabyggð, ákveðið að kaupa bókina fyrir alla sína leikskóla.

Leikskólastjórar geta sent óskir um að fá gefins eintak af bókinni Kroppurinn er kraftaverk í netfangið likamsvirding@gmail.com og gildir reglan fyrstur kemur, fyrstur fær. Þeir skólar sem þegar eiga eintak af bókinni, eða eiga von á henni frá sínu sveitarfélagi, eru þó beðnir um að leyfa frekar öðrum að njóta gjafarinnar. Endilega látið orðið berast sem víðast og deilið með leikskólastarfsfólki og foreldrum um land allt!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd