Lífið að leysa og Síðasti hlekkurinn lofaðar!

  • Höfundur: Ritstjórn Forlagsins
Síðasti hlekkurinn

Lífið að leysa eftir Alice Munro og Síðasti hlekkurinn eftir Fredrik T Olsson fengu báðar afskaplega lofsamlegar umsagnir í Morgunblaðinu um helgina.

Steinþór Guðbjartsson, gagnrýnandi, gaf Síðasta hlekkum heilar fjórar stjörnur og sagði m.a.: „Persónurnar eru sem ljóslifandi og lesandinn ferðast með þeim á ógnarhraða fram og aftur í leit að lausninni … Síðasti hlekkurinn er mjög spennandi bók og frásögnin heldur allan tímann … Þýðingin hittir í mark og lipur texti ásamt mikilli spennu gerir það að verkum að lesandi getur ekki hætt fyrr en yfir lýkur.“

Kolbrún Bergþórsdóttir var sömuleiðis hrifin af Síðasta hlekknum og sagði um hana: „Þeir sem vilja óstöðvandi spennu og ekta hasar verða ekki fyrir vonbrigðum með hina hrollvekjandi spennusögu Síðasti hlekkurinn … Viðburðarrík, hrollvekjandi og spennandi – og ákaflega skemmtileg aflestrar fyrir spennusagnafíkla. Höfundurinn hafði greinilega gaman af því að skrifa bókina og það er gaman að lesa hana.“

Kolbrún gerði Nóbelsverðlaunabókina Lífið að leysa sömuleiðis að umfjöllunarefni: „Það er ástæða til að hvetja bókelskt fólk til að lesa smásögur Alice Munro, sem er höfundur sem kann svo vel þá list að segja margt í fáum orðum. Sögur hennar eru vandlega unnar og skrifaðar af djúpum skilningi á mannlegu eðli og tilfinningum sem við þekkjum flest öll og geta verið svo skrýtnar og óútreiknanlegar. Það er líka gott að fá í kaupabæti innihaldsríkan eftirmála um höfundinn og bækur hennar, sem þýðandinn Silja Aðalsteinsdóttir skrifar.“

Nýlega tók Jórunn Sigurðardóttir Munro og bókina fyrir í útvarpsþætti sínum Orð um bækur og er rétt að vekja athygli á umfjölluninni sem og viðtali hennar við Silju Aðalsteinsdóttur, þýðanda bókarinnar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd