Lifðu þínu eigin lífi

  • Höfundur: Ritstjórn Forlagsins
Medvirkni

Mánudaginn 12. október fer fram málþing á vegum Lausnarinnar um meðvirkni – orsök og afleiðingar. Málþingið fer fram í Brakka, sal HÍ við Stakkahlíð, milli 13-17.

Aðalfyrirlesari er Sarah Bridge, félagsráðgjafi og sérfræðingur í áfalla- og uppeldisfræðum Piu Mellody. Pia hefur í áratugi verið að þróa aðferðarfræði við greiningu og úrvinnslu á meðvirkni. Hún er höfundur metsölubókarinnar Meðvirkni – orsakir, einkenni, úrræði. Sarah Bridge hefur um árabil verið náinn samstarfsfélagi Piu Mellody og hefur víðtæka reynslu af ráðgjafavinnu með börnum, unglingum og fullorðnum svo og þjálfun fagfólks.

Rætt verður um hugtakið meðvirkni frá ýmsum hliðum. Er meðvirkni til? Er þetta hugtak ofnotað? Er Ísland sérstakt hvað meðvirkni varðar? Einnig verður fjallað um nálgun jákvæðrar sálfræði, hvernig hægt er að veita börnum aðstoð sem alast upp við vanvirkar aðstæður, hinn sívaxandi vanda sem matarfíkn er og samskiptamál í nútímasamfélagi.

Frekari upplýsingar má finna hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd