Léttlestrarbækur Ævars Þórs slá í gegn á Norðurlöndum

  • Höfundur: Ritstjórn Forlagsins

„Stöngin inn!“ sagði útgefandi Ævars Þórs Benediktssonar Benediktssonar, Catrine Christell forleggjari hjá sænska forlaginu Opal, um þátttöku hans á Bókasýningunni í Gautaborg.

Rithöfundurinn Ævar Þór Benediktsson var gestur á Bókasýningunni í Gautaborg í lok september og vakti heimsókn hans stormandi lukku meðal gesta, svo mikla að bækurnar seldust upp á messunni. Ævar var í dagskrá með sænska rithöfundinum David Sundin um lestur, leik og lestrarhvetjandi bækur en Ævar hefur skrifað fjölda bóka sem eru byggðar upp eins og tölvuleikir, lesendur ráða söguþræði og bókarlokum. Þetta hefur vakið mikla lukku hjá ungum lesendum, innanlands og utan. Í ferðinni heimsótti Ævar líka hóp íslenskra barna í Gautaborg og las með þeim.

Bækur Ævars hafa vakið mikla athygli í Svíþjóð. Bókaforlagið Opal gaf út í sumar bækurnar Börn Loka og Draugagang og ætla að halda áfram með þennan spennandi bókaflokk, enda falla bækurnar vel í kramið hjá sænskum lesendum. Bókasafnsfræðingar í Svíþjóð völdu Börn Loka sem eina af bestu nýju barnabókunum í Svíþjóð. Í Danmörku er það sama uppi á teningnum, bækurnar njóta vinsælda meðal danskra barna og fleiri bækur eru væntanlegar til útgáfu hjá forlaginu Bolden, meðal annars hrollvekjan Skólaslit sem kom út í fyrra.

„Það er virkilega gaman að fá að fylgja bókunum sínum um heiminn, að ég tali nú ekki um að fá að ræða lestur og lestrarhvatningu á erlendri grundu. Svo skemmtir ekki fyrir að fá að hitta íslenska krakka og lesa fyrir þau.“ sagði Ævar glaður í bragði eftir heimsóknina til Gautaborgar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd