Lesist í einrúmi

  • Höfundur: Ritstjórn Forlagsins
Þórarinn Leifsson

Bækur Þórarins Leifssonar gera það gott í Danmörku þessa dagana. Um síðustu helgi birtist fjögurra stjörnu dómur um Bókasafn ömmu Huldar í stórblaðinu Politiken en það er í annað skipti sem barnabókagagnrýnandi blaðsins fer fögrum orðum um bækur Þórarins, fréttabréf danskra bókasafnfræðinga slær á svipaða strengi og einnig bókarýnisvefsíðan fortællingen.dk

Gagnrýnandi Politiken skrifar að bankakerfið hafi ekki verið útskýrt á svo skemmtilegan og hnitmiðaðan hátt síðan sænski rithöfundurinn Sven Wernström var upp á sitt besta á áttunda áratugnum. Hann segir eðlilegt að brjálæði og súrealismi komi upp á sögueyjunni eftir allt sem hefur gengið á undanfarin ár. Loks klykkir hann út með að höfundurinn beri ekki virðingu fyrir neinu nema börnum og bókmenntum.

Fortællingen.dk slær því fram að það sem geri Þórarinn Leifsson svo eftirtektarverðan sé að mitt í öllum fíflagangnum geti lesandinn staldrað við og tekið við alvarlegum boðskap sem glitti í undan kraumandi brjálæðinu. Dómurinn segir jafnframt að Bókasafn Ömmu Huldar sé ævintýri sem fái lesandann til að standa á öndinni.

Í síðustu viku mælti svo Weekendavisen sérstaklega með Leyndarmálinu hans pabba. Gagnrýnandi blaðsins segir teikningar Þórarins gulls ígildi og að menn verði að lesa bókina í einrúmi til að trufla ekki sessunautinn með hlátursrokum.

Leyndarmálið hans pabba kom út á dönsku undir nafninu Fars store hemmelighed vorið 2009 og ratar reglulega inn í dönsku blöðin. Bókin fiskaði meðal annars heilsíðuviðtal í Politiken fyrir höfundinn um síðustu jól eftir að ritstjóri bókablaðsins rakst á hana fyrir tilviljun.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd