Kynlífslýsing úr Kaldakol verðlaunuð

  • Höfundur: Ritstjórn Forlagsins

Þórarinn Leifsson rithöfundur hlaut Rauðu hrafnsfjöðrina fyrir forvitnilegustu kynlífslýsingu ársins 2017 í íslenskum bókmenntum. Verðlaunalýsingin birtist í skáldsögu Þórarins Kaldakoli, sem kom út á síðasta ári.

Verðlaunin voru veitt á aðalfundi Lestrarfélagsins Krumma í gærkvöldi og er þetta í tólfta sinn sem þau eru veitt.

Alls voru sjö höfundar tilnefndir til verðlaunanna í ár;

  • Adolf Smári Unnarsson fyrir lýsingu úr Um lífsspeki ABBA & Tolteka (eða líf mitt sem Olof Palme)
  • Breki Karlsson fyrir lýsingu úr Náljóð III
  • Eiríkur Bergmann fyrir lýsingu úr Samsærið
  • Friðrika Benónýsdóttir fyrir lýsingu úr Vályndi
  • Halldór Armand fyrir lýsingu úr Aftur og aftur
  • Solveig Thoroddsen fyrir lýsingu úr Bleikrými
  • Þórarinn Leifsson fyrir lýsingu úr Kaldakol

Fyrri hrafnsfjaðrarhafar eru Eiríkur Örn Norðdahl fyrir Eitur fyrir byrjendur (2006), Elísabet Jökulsdóttir fyrir Heilræði lásasmiðsins (2007), Hermann Stefánsson fyrir Algleymi (2008), Steinar Bragi fyrir Himininn yfir Þingvöllum (2009), Þórunn Erlu-Valdimarsdóttir og Magnús Þór Jónsson fyrir Megas, fyrir Dag kvennanna – ástarsögu (2010), Sigríður Jónsdóttir fyrir ljóðasafnið Kanil (2011), Auður Ava Ólafsdóttir fyrir Undantekninguna (2012), Sjón fyrir Mánastein (2013), Soffía Bjarnadóttir fyrir Segulskekkju (2014), Bergsveinn Birgisson fyrir Geirmundar sögu heljarskinns (2015) og Sigurbjörg Þrastardóttir fyrir örsagnasafnið Óttaslegni trompetleikarinn og aðrar sögur (2016).

Forvitnilegustu kynlífslýsing ársins 2017 í íslenskum bókmenntum er svohljóðandi:

„Þá sá hann tvo hvíta belgi sem hann hélt fyrst að væru litl­ir feit­ir engl­ar úr Ru­bens-mál­verki, en þegar bet­ur var að gáð reynd­ust þetta vera rasskinn­ar konu, óvenju stór­ar því þær flött­ust út á gler­inu eins og risa­stór­ar hvít­ar pönnu­kök­ur. Við rasskinn­arn­ar loddu eistu sem hreyfðust nær og fjær eins og pend­úl­ar fast­ir við loðna fót­leggi, hálf­klædda í jakkafata­bux­ur og karl­manns­skó en þrengdu sér núna á milli snjó­hvítra læra og leggja í leður­stíg­vél­um.“
– Þór­ar­inn Leifs­son, Kalda­kol

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd