Kristín Steins les úr Vonarlandinu á söguslóðum

  • Höfundur: Ritstjórn Forlagsins
Kristín Steins

Kristín Steinsdóttir les upp úr nýrri bók sinni, Vonarlandið, á söguslóðum bókarinnar inni í Laugardal næstkomandi laugardag, 13. desember, kl. 14.

Upplesturinn fer fram á kaffihúsinu Flórunni í Grasagarðinum sem stendur skammt frá þvottalaugunum sem koma mikið við sögu í bókinni.

Kristín lagðist í mikla rannsóknarvinnu við undirbúning skrifanna og sankaði að sér ýmsum fróðleik um líf og aðstæður kvennanna sem hún skrifar um. Að upplestrinum loknum býður Kristín þeim sem áhuga hafa á að fylgja sér inn að þvottalaugum og hlusta á hana segja frá þessum merkilegu tímum.

Vonarlandið hefur hlotið frábærar viðtökur lesenda og hefur verið meðal efstu bóka á metsölulistum landsins allt frá útgáfu. Sömuleiðis hafa gagnrýnendur keppst við að lofa verkið en þar ber helst að nefna fjórar stjörnur í bæði Fréttablaðinu og DV en þar segir m.a. „Bókin er fallega og vel skrifuð, sögurnar vefjast vel saman og mynda sterka heild. Bókin er saga alþýðukvenna – kvenna sem sárlega þurftu á rödd að halda enda hópur sem lét svo sannarlega að sér kveða.“

Við hvetjum sem allra flesta til þess að nýta sér þetta einstaka tækifæri og njóta upplesturs Kristínar á þessum merkilegu söguslóðum.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd