Komin kiljutíð

  • Höfundur: Ritstjórn Forlagsins

Nýjar kiljur dælast í hús þessa dagana. Fyrir lesfúsa minnum við til dæmis á stórskemmtilegan Karlsvagn Kristínar Marju Baldursdóttur og hina sígildu sjálfsævisögu Stefans Zweig, Veröld sem var.  Húmoristar ættu að hafa einkar gaman af ógleymanlegri háðsádeilu Halldórs Laxness í Gerplu og geta auðveldlega brosað út í annað yfir báðum bindum ævisögu Þórbergs Þórðarsonar – ÞÞ – Í fátæktarlandi og ÞÞ – Í forheimskunarlandi. Spennuþyrstir geta sökkt sér í Póstkortamorðin eftir Patterson og Marklund, bókin sú tætist af lagernum okkar og gæti hreinlega klárast á næstu dögum ef fram fer sem horfir. Yngri lesendur fá sitthvað fyrir sinn snúð líka því stórskemmtileg saga Kristínar Steindóttur, Hetjur, er komin út í kilju sem og hin dásamlega Fíasól í hosiló eftir Kristínu Helgu Gunnarsdóttur sem ófáanleg hefur verið um langa hríð.  Ekki er allt talið en ef svo illa færi að engin fyrrgreindra bóka hugnast lesendum getum við alltaf mælt með Skúla skelfi, fyrir allan aldur. Fyrsta bókin um æringjann ameríska er nú fáanleg aftur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd