Jussi á Íslandi

  • Höfundur: Ritstjórn Forlagsins
Jussi Adler-Olsen

Jussi Adler-Olsen kom til Íslands á mánudaginn síðasta og hefur haft nóg að gera síðan. Hann var varla lentur þegar hann fór á fund með Sigurjóni Sighvatssyni kvikmyndagerðarmanni sem mun að öllum líkindum framleiða kvikmynd eftir fyrstu skáldsögu Jussi. Á fundinum handsöluðu þeir samkomulag þess efnis en eingöngu á eftir að ganga frá endanlegum samningi.

Á þriðjudaginn hitti Jussi mikið af fólki, fjölmiðlafólk, bóksala, starfsfólk Forlagsins og kom við á lager Forlagsins þar sem hann knúsaði bækurnar sínar. Danskir kvikmyndagerðarmenn fylgdu honum við hvert fótspor en unnið er að heimildarmynd um kappann.

Á fimmtudaginn, 30. september, verður Jussi gestur á höfundakvöldi í Norræna húsinu þar sem Árni Matthíasson mun ræða við hann um verk hans. Allir eru velkomnir að koma og hlýða á.

Bækurnar Konan í búrinu, Veiðimennirnir og Flöskuskeyti frá P hafa komið út á íslensku eftir Jussi og hafa verið ansi vinsælar meðal íslenskra lesenda.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd