Íslensku bókmenntaverðlaunin til Ófeigs, Bryndísar og Snorra!

  • Höfundur: Ritstjórn Forlagsins

Íslensku bókmenntaverðlaunin voru afhent við hátíðlega athöfn á Bessastöðum í dag. Ófeigur Sigurðsson hlaut verðlaunin í flokki fagurbókmennta fyrir skáldsöguna Öræfi. Bryndís Björgvinsdóttir hlaut verðlaunin í flokki barna- og unglingabóka fyrir Hafnfirðingabrandarann og Snorri Baldursson í flokki fræðibóka og rita almenns efnis fyrir Lífríki Íslands.

Þetta er í 26. skipti sem Íslensku bókmenntaverðlaunin eru veitt. Verðlaunaupphæðin fyrir hverja bók er ein milljón króna.

Öræfi Ófeigs Sigurðssonar hlaut  fyrir jólin verðlaun íslenskra bóksala sem besta skáldsaga ársins. Öræfi kemur út í kilju um miðjan febrúar.

Bryndís Björgvinsdóttir hlaut á dögunum Fjöruverðlaunin, bókmenntaverðlaun kvenna, fyrir Hafnfirðingabrandarann. Bóksalar völdu hana ennfremur bestu íslensku ungmennabók ársins. Hafnfirðingabrandarinn kemur í kilju í byrjun mars.

Snorri Baldursson hlaut bóksalaverðlaunin fyrir Lífríki Íslands í flokki hand- og fræðibóka. Lífríkið er uppselt hjá útgefanda, endurprentun er væntanleg um miðjan mars.

Forlagið óskar höfundum innilega til hamingju með stórkostlegan árangur!


Hér er umfjöllun  á visir.is

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd