Íslensku bókmenntaverðlaunin 2015

  • Höfundur: Ritstjórn Forlagsins

Íslensku bókmenntaverðlaunin voru afhent við hátíðlega athöfn á Bessastöðum í gær miðvikudaginn 10. febrúar. Einar Már Guðmundsson hlaut verðlaunin í flokki fagurbókmennta fyrir skáldsöguna Hundadaga, Gunnar Helgason hlaut verðlaunin í flokki barna- og unglingabóka fyrir Mömmu klikk og Gunnar Þór Bjarnason í flokki fræðibóka og rita almenns efnis fyrir Þegar siðmenningin fór fjandans til.

Þetta er í 27. skipti sem Íslensku bókmenntaverðlaunin eru veitt.

Skáldsagan Hundadagar eftir Einar Má Guðmundsson kom út samtímis í Danmörku og á Íslandi og hefur fengið einstaklega góða dóma, þar á meðal fimm stjörnur í Politiken. Bókin kemur út í kilju innan skamms.

Mamma klikk eftir Gunnar Helgason hefur hlotið einróma lof og er bókin tilnefnd af íslensku dóm­nefnd Barna- og ung­linga­bóka­verðlauna Vestn­or­ræna ráðsins til verðlaun­anna fyrir árið 2016. Verðlaun­in hafa verið veitt annað hvert ár frá ár­inu 2002 og er nú til­nefnt til þeirra í átt­unda skipti.

Þegar siðmenningin fór fjandans til eftir Gunnar Þór Bjarnason sagnfræðing hlaut verðlaunin í flokki fræðirita og bóka almenns efnis. Árið 2012 kom út eftir hann bókin Upp með fánann! Baráttan um uppkastið og sjálfstæðisbarátta Íslendinga. Hún hlaut einstaklega góðar viðtökur, var tilnefnd til Íslensku bókmenntaverðlaunanna og viðurkenningar Hagþenkis, félags höfunda fræðirita og kennslugagna. Einnig hlaut hún Menningarverðlaun DV í flokki fræðirita.

Forlagið óskar höfundunum innilega til hamingju með stórkostlegan árangur!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd